ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

លោក នេត្រ ភក្ត្រា៖ ការបង្កើតវត្តមានសត្វព្រៃនៅតំបន់អង្គរជាផ្នែកមួយនៃការបង្កើនរបាយសត្វព្រៃនៅកម្ពុជា

  • ចុះផ្សាយថ្ងៃទី០២ ខែមិថុនា ឆ្នាំ២០២៣ ម៉ោង ១០:៣៣ នាទី ដោយ Saroeun Phallika
  • 1481
  Aa |   aA

សៀមរាប៖ អ្នកនាំពាក្យក្រសួងបរិស្ថានលោក នេត្រ ភក្រ្តា ថ្លែងថាការបង្កើតវត្តមានសត្វព្រៃនៅក្នុងតំបន់អង្គរគឺជាផ្នែកមួយនៃការបង្កើនរបាយសត្វព្រៃនៅក្នុងតំបន់ព្រៃរបស់ប្រទេសកម្ពុជា។

លោក នេត្រ ភក្ត្រា លើកឡើងបែបនេះក្នុងអំឡុងពេលដឹកនាំអ្នកសារព័ត៌មានទស្សនាកិច្ចតំបន់ព្រៃឧទ្យានជាតិអង្គរ នៅថ្ងៃទី១ ខែមិថុនា ឆ្នាំ២០២៣។

លោកឱ្យដឹងថា អាជ្ញាធរជាតិអប្សរា និងអង្គការសម្ព័ន្ធមិត្តសត្វព្រៃក៏បានសហការគ្នាបានលែងសត្វទោចមង្កត់ ៤គូ (៨ក្បាល) ក្នុងតំបន់ព្រៃឧទ្យានជាតិអង្គរនេះ ដោយបច្ចុប្បន្នសត្វទោចនោះបានកើតកូនចំនួន៧ ធ្វើឱ្យកើនឡើងសរុប ១៥ក្បាល ដែលនេះជាលទ្ធផលបង្ហាញពីភាពជោគជ័យនៃសហប្រតិបត្តិការនេះ។

លោកបានឱ្យដឹងទៀតថា ការដែលអាចបង្កើនវត្តមានសត្វព្រៃនេះ ដោយសារកម្ពុជាមានសុខសន្តិភាពពេញលេញ អាចផ្តល់ឱកាសក្រសួង និងអង្គការពាក់ព័ន្ធមានការគិតគូរក្នុងការការពារ និងអភិរក្សសត្វព្រៃ។ ម៉្យាងទៀត ដោយសារមានការគ្រប់គ្រងនិងអភិរក្សពីអាជ្ញាធរជាតិអប្សរា និងកម្លាំងមន្ត្រីឧទ្យានុរក្សដែលនៅការពារតំបន់នេះ ចាត់ទុកជាទីតាំងមានសុវត្ថិភាពខ្ពស់ ទើបអង្គការសម្ព័ន្ធមិត្តសត្វព្រៃធ្វើការលែងសត្វព្រៃមួយចំនួនក្នុងតំបន់ព្រៃឧទ្យានជាតិអង្គរនេះ។

អ្នកនាំពាក្យរូបនេះបានបញ្ជាក់ថា កិច្ចការជាបន្តទៀតគឺពង្រឹង និងការពារជម្រកសត្វព្រៃឱ្យមានសុវត្ថិភាព ដើម្បីឱ្យសត្វព្រៃមានលទ្ធភាពបន្តកំណើត ដោយក្រសួងបរិស្ថានបានបង្កើតយុទ្ធនាការអន្ទាក់សូន្យដើម្បីអប់រំផ្សព្វផ្សាយដល់ពលរដ្ឋឱ្យមានការយល់ដឹងពីផលប៉ះពាល់ដែលកើតចេញពីអន្ទាក់។

អនុប្រធាននាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធនៃអាជ្ញាធរជាតិអប្សរា លោក ជូរ៉ា ឌីណា បានឱ្យដឹងថា ក្រោយមានការដោះលែងកន្លងមក ធ្វើឱ្យតំបន់ឧទ្យានអង្គរក្រៅពីទេសចរណ៍បែបប្រវត្តិសាស្រ្ត ឥលូវនេះមានទេសចរណ៍បែបធម្មជាតិមួយទៀតតាមរយៈការទស្សនាព្រៃ និង សត្វព្រៃដែលបានដោះលែង ដែលជាអាចទាក់ភ្ញៀវទេសចរណ៍បានមួយផ្នែកទៀត។

គួរឱ្យដឹងដែរថា ឧទ្យានជាតិអង្គរជាឧទ្យានជាតិទីមួយក្នុងតំបន់អាស៊ីអាគ្នេយ៍ ដែលបានបង្កើតឡើងតាំងពីឆ្នាំ១៩២៥ ដោយបច្ចុប្បន្នព្រៃក្នុងតំបន់អង្គរមានសត្វដែលត្រូវបានដោះលែងសត្វព្រៃច្រើនប្រភេទដូចជា សត្វទោច សត្វស្វាព្រាម សត្វឈ្លូស សត្វសំពោច សត្វឆ្មាដាវ កេងកង ក្ងោក និងសត្វភេ៕


ព័ត៌មានជាច្រើនទៀតសម្រាប់អ្នក